Almaty kúziniń qaıtalanbas boıaýlary – fotoreportaj
ALMATY. QazAqparat – Almaty kúzi erekshe. Ásirese, taýdaǵy kórinis keremet. Erte kóktemnen bastap jasyl túske enetin megapolıs kúzde altyn túske túrlenedi. QazAqparat agenttigi oqyrmandaryna Medeýdegi qaıtalanbas boıaýlardy usynady.
Jyldyń osy mezgilinde Almaty taýlarynda uzaq ýaqyt serýendep, tabıǵat aıasyna shyqqan jaqsy. Kúz aǵashtardyń japyraqtaryn jarqyn boıaýlarǵa qanyq etedi: sary, sarǵylt, qyzyl.
Medeý shatqaly Іle Alataýynyń soltústik baýraıynda Kishi Almaty ózeni ańǵarynda, teńiz deńgeıinen 1520- 1750 metr bıiktikte ornalasqan. Ony Kimasar taý silemi qorshap jatyr. Taýlardyń betkeıinde qylqan jáne jalpaq japyraqty aǵashtar kóp. Medeý – qala turǵyndary men qonaqtarynyń eń súıikti jeri. Munda taza aýamen tynystap, sýretke túsý úshin arnaıy keledi.
Demalys kúnderi jaıaý qydyryp, ádemi peızajdyń kýási bolǵyńyz kelse, Medeýge baryńyz.
