Almaty qutqarýshylary Aqsaı ózeniniń arnasyn tazartty
ALMATY. QazAqparat - Almatyda muz bógeti saldarynan sý tasý qaýpi týyndap turǵan Aqsaı ózeniniń arnasy tazartyldy. Ózenniń 200 metr aýmaǵynan qutqarýshylar 96 tekshe metr laı, muz massasyn shyǵardy. Bul týraly qalalyq qutqarý qyzmetiniń baspasóz qyzmeti habarlady.
Aıta ketý kerek, qazir qutqarýshylar taýdan bastaý alatyn ózenderdiń sý deńgeıin qatań baqylap otyr. Qarǵaly ózeniniń arnasynan da 400 tekshe metr muz kesekteri shyǵaryldy. Atalǵan ózende qazir qalalyq qutqarý qyzmetiniń 10 qyzmetkeri táýlik boıy kezekshilik etip jatyr. Arnaıy 5 kólik bólingen.
Sondaı-aq, Bostandyq aýdany turǵyndarynyń shaǵymyna baılanysty úıge qulaý qaýpi bar kári aǵash kesildi.
