Almaty quramyna kirgen aımaqtyń qujatyna ózgeris engizý zańǵa qaıshy - B.Saýranbaev
ALMATY. QazAqparat - Almaty quramyna kirgen 23 myń ga aımaqtyń jer týraly qujattaryna ózgeris engizý zańǵa qaıshy bolyp sanalady. Bul týraly búgin BAQ ókilderimen kezdesý barysynda qala ákiminiń orynbasary Bolat Saýranbaev aıtty.
«Almatynyń quramyna bıyldan bastap engen aımaqtyń jer jaıly qujattaryna ózgeris engizýge bolmaıdy. ıAǵnı, Úkimet qaýlysy shyqqan merzimnen bastap osy aımaqtarda saıajaıdy jeke turǵyn úı sektoryna aınaldyrý syndy áreketter júzege aspaıdy. Ondaı derekterdiń barlyǵy qala ákimi Ahmetjan Esimovtiń tapsyrmasymen prokýratýraǵa tapsyrylady», - dedi ol otyrys barysynda.
Esterińizge sala keteıik, bıyl Elbasynyń bastamasymen Almaty qalasynyń shekarasy 23 myń gektarǵa ulǵaıǵan bolatyn. Almatyǵa Qarasaı, Іle, Talǵar aýdandarynyń 27 aýyly kirgen bolatyn. Al 102 myń adam Almaty qalasynyń turǵynyna aınaldy.
«Almaty aımaǵyna Qarasaı aýdanynan 17 aýyl, Іle aýdanynan - Pervomaıka men Boraldaı aýylynyń bir bóligi, Talǵar aýdanynan Qaırat, Kólsaı, Aqqaıyń, Qyzjibek aýyldary endi. Qazir atalǵan aýyl turǵyndarynyń jerleri tekserilip, jeke bastaryna jazylyp jatyr. Bul protsess úshin bizge az ýaqyt berilgen. 3 aıda osy baǵytta jumysty támamdaýymyz kerek», - dedi qalalyq jer qatynastary basqarmasynyń basshysy Qýanysh Qashqymbaev.
