Almaty kúnine arnalǵan velojarys jeńimpazyna Belgııaǵa joldama berildi
ASTANA. QazAqparat - Búgin Almatyda qala kúninen arnalǵan jyl saıynǵy velojarys ótti.
Almaty qalalyq dene tárbıesi jáne sport basqarmasy baspasóz qyzmetiniń habarlaýynsha, dástúrli velojarys «Nurly jol» bıznes ortalyǵy aýmaǵynan bastalyp, báseege qatysýshylar Respýblıka saraıy aldyndaǵy alańǵa deıin shamamen 9 shaqyrym júrip ótti.
Jarysqa qalalyqtarmen birge dańqty sportshylar da qatysty. Olardyń qatarynda Qazaqstan Áýesqoı úshsaıys federatsııasynyń prezıdenti Murathan Toqmádı, úshsaıystan esimi álemge tanymal, IRONMAN týrnırleriniń 14 dúrkin jeńimpazy amerıkandyq Krıs MakKormak, dańqty qazaqstandyq regbıshi, QR Regbı federatsııasynyń prezıdenti Murat Ýanbaev, «Almaty Barysy-2016» jeńimpazy, dzıýdodan halyqaralyq sanattaǵy sport sheberi Vıktor Demıanenko,sonymen qatar Olımpıada chempıony Ermahan Ibyraıymov boldy.
Áýesqoı sporshylardy máre syzyǵynda qazaqstandyq estrada juldyzdary kútip alyp, kontsert qoıdy, baǵaly syılyqtar oınatyldy. Aıta keterligi, jarys bastalar aldynda sportshylarǵa arnaıy nómirler berilgen edi. Osy nómirler arqyly jańa velosıpedter, meıramhanaǵa 2 adamǵa keshki as ishýge múmkindik beretin sertıfıkattar jáne túrli taýarlar sertıfıkaty oınatyldy.
Al 2 adamǵa Belgııaǵa arnalǵan joldamany Almaty qalasynyń turǵyny ári qalalyq velojarysqa turaqty qatysyp kele jatqan Danas Ýrmýrzın jeńip aldy.
