Almaty krımınaldyq polıtsııasy tanysyn óltirýge tapsyrys bergen azamatty ustady
ASTANA. 4 jeltoqsan. QazAqparat - Almaty qalasynda krımınaldyq polıtsııa qyzmetkerleri 33 jastaǵy tanysyn óltirýge tapsyrys bergen qalanyń 29 jastaǵy turǵynyn qolǵa túsirdi.
Bul týraly QR ІІM baspasóz qyzmetiniń málimetinde habarlandy.
«Er adam qarasha aıynyń basynda óziniń aýlasynda atylǵan bolatyn. Jábirlenýshi bankterdiń birinde qyzmet atqarǵan. Olar iske qatysy bar úshinshi taraptaǵy sybaılaspen birlesip, alaıaqtyq jolymen plastıkalyq kartochkalardan aqsha alyp otyrǵan. Osylaısha, jábirlenýshige 7 mıllıon teńge kólemindegi aqshany bermeý úshin 29 jastaǵy er adam onyń kózin qurtýdy oılaıdy. Anyqtalǵandaı, atalǵan tapsyrysty oryndaǵan 28 jastaǵy Pavlodar oblysynyń turǵyny, al uıymdastyrýshy Almaty oblysynyń 33 jastaǵy turǵyny bolyp shyqty»,-delingen taratylǵan málimette.
Quryqtalǵan tapsyrys berýshi men uıymdastyrýshy qamaýǵa alynyp, al oryndaýshy atys qarýynan jaralanǵan kúıde Pavlodar oblysyndaǵy medıtsınalyq mekemede jatyr. Ol polıtsııa kúzetiniń baqylaýyna alynǵan. Dáleldik bazany nyǵaıtý maqsatynda keshendi sharalar júrgizilýde.
