Almaty-Qostanaı ushaǵy tehnıkalyq aqaýǵa baılanysty áýejaıǵa qaıta oraldy

ASTANA. QazAqparat – Almatydan Qostanaıǵa baǵyt alǵan FlyArystan ushaǵynyń tehnıkalyq aqaýǵa baılanysty áýejaıǵa qaıta oralýyna týra keldi, dep habarlaıdy QazAqparat tilshisi áýe kompanııasynyń baspasóz qyzmetine silteme jasap.

«KS7141 reısi keste boıynsha saǵat 12:10-da ushqanyn habarlaımyz. Alaıda, tehnıkalyq aqaýǵa baılanysty ushaq áýejaıǵa qaıta oraldy. Ekıpajdyń ýaqyty aıaqtaldy. Qosymsha ekıpaj usyný múmkindigi bolmaǵandyqtan, reısti toqtatý týraly sheshim qabyldandy», - delingen habarlamada.

FlyArystan áýe kompanııasynyń resmı aqparatynda aıtylǵandaı, toqtatylǵan reıs jolaýshylaryna bılet qunyn tolyqtaı qaıtarý nemese balama reısterge qaıta brondaý usynylady.

«Ýaqtyly usha almaǵan jolaýshylarǵa sýsyndar men tamaq berildi. Sonymen qatar, bos oryndar bolǵan jaǵdaıda jolaýshylardy qonaqúıge qonystandyrý nemese jolaýshynyń turý shyǵynyn óteý usynylady», - deıdi kompanııadan.