«Almaty-Qostanaı» poıyzynyń 3 vagonynan aqaý shyqqan - QTJ
QOSTANAI. QazAqparat - Búgin Aqmola oblysynyń Esil stansasynda tehnıkalyq sebepterge baılanysty turyp qalǵan «Almaty - Qostanaı» jolaýshylar poıyzy 7 saǵatqa jýyq keshigip keldi, dep habarlaıdy «QazAqparat» tilshisi «Qazaqstan Temir Joly» AQ baspasóz qyzmetine silteme jasap.
Almatydan Qostanaıǵa attanǵan jolaýshylar poıyzynyń «Esil» stansasynda toqtap turǵanyn jazǵan bolatynbyz.
«Qazaqstan Temir Joly» AQ baspasóz qyzmeti habarlaǵandaı, vagon dońǵalaqtarynan aqaý tabylǵan.
«Esil» stansasynda 3 vagonnyń dońǵalaqtary aýystyryldy. Onyń naqty sebepteri arnaıy komıssııanyń sheshiminen soń belgili bolady. Poıyz Qostanaıǵa 6 saǵat 58 mınýt keshigip keldi», - dep habarlady «Qazaqstan Temir Jolynyń» baspasóz qyzmeti.
Atalǵan poıyz quramy «Túrksib Astana» JShS-yna tıesili. Eske salsaq, úsh kún buryn dál osy jolaýshylar poıyzy «Esil» stansasynda kidirgen toqtaǵan.
