Almaty, Qostanaı, Qyzylorda oblystary men Almaty qalasynyń turǵyndaryn dári-dármek máselesi onsha qyzyqtyrmaıdy
ASTANA. 15 naýryz. QazAqparat - Aǵymdaǵy jyldyń 2 aıynda respýblıkanyń Dári-dármek aqparattyq ortalyǵyna 3,5 myńnan astam adam ótinishpen shyqty.
Bul aqparatty Respýblıkalyq densaýlyq saqtaýdy damytý ortalyǵynyń baspasóz qyzmeti taratty.
Baspasóz qyzmetiniń atap ótýinshe, atalǵan ortalyqqa ásirese Astana qalasy men Ońtústik Qazaqstan oblysynyń turǵyndary kóp habarlasady eken. Al Almaty, Qostanaı, Qyzylorda oblystary men Almaty qalasynyń turǵyndaryn dári-dármek máselesi onsha qyzyqtyrmaıtyn kórinedi.
Usynylǵan málimetterge sáıkes, azamattardyń 39 paıyzy qandaıda bir dári-dármektiń qoldanylýyna baılanysty habarlasqan. Al 32,2 paıyzy dárilik zattardyń baǵasyna qatysty saýal qoıyp, ony qaıdan satyp alýǵa bolatyndyǵyna qyzyǵýshylyq tanytqan. Sondaı-aq azamattardyń 14,2 paıyzy kepildendirilgen tegin medıtsınalyq kómek kólemin bilýge nıet tanytsa, 7,6 paıyzy qoldanylatyn dárini almastyrýǵa qatysty óz saýladaryn qoıǵan.
