Almaty kóshesinde jarysqan avtobýs júrgizýshileri jazalanady
ALMATY. QazAqparat – Almatyda ózara jarysqan jolaýshylar avtobýsynyń júrgizýshileri jazaǵa tartylatyn boldy. Bul týraly Polıtsııa departamentiniń baspasóz qyzmeti habarlady.Joǵary jyldamdyqpen bir-birimen jarysyp kele jatqan avtobýstardyń júrisin kóshedegiler vıdeoǵa túsirip alǵan.
Beınekadrda tańǵy 5:47-de 70 razezd jaqta eki avtobýs jarysa jónelgen. Kadr syrtyndaǵy daýys ıesiniń aıtýynsha, olar saǵatyna 100 jyldamdyqpen qozǵalǵan.
Polıtsııa mundaı jyldamdyqpen júrýge avtobýstarǵa tyıym salynǵanyn málimdedi.
«Bul vıdeo jergilikti polıtsııa qyzmetine tapsyryldy. Polıtsııa qyzmetkerleri júrgizýshilerdi anyqtap, zań aıasynda shara qoldanatyn bolady», - dedi baspasóz qyzmetinen.
