Almaty kóshesinde moped úlken jyldamdyqpen jeńil kólikke soǵyldy
ALMATY. QazAqparat - Moped mingen jas jigit jeńil kólikpen soqtyǵysty, dep habarlaıdy QazAqparat tilshisi oqıǵa ornynan.
Oqıǵa Shalıapın kóshesiniń boıynda, Saın kóshesine jaqyn mańda boldy. Kýágerlerdiń sózinshe, Shalıapın kóshesiniń boıymen batysqa qaraı bet alyp bara jatqan LADA Priora kóligi jol qıylysynda solǵa qaraı burylmaq bolǵan. Onyń sońynan moped ketip bara jatqan. Ol qarsy jolaqqa shyǵyp ketip, «Lada» kóliginiń bir qabyrǵasyn kelip soqty.
Jol apatynyń saldarynan mopedtiń júrgizýshisi, jas jigit zardap shekti. Ony túrli dárejedegi dene jaraqattarymen jedel járdem kóligi alyp ketti.
