Almaty kóshelerinen 230 tekshe metr qar shyǵaryldy
ALMATY. QazAqparat – Almaty kóshelerin qardan tazartýǵa 596 arnaıy tehnıka men 1610 jumysshy jumyldyryldy, dep habarlaıdy QazAqparat tilshisi.
Almatyda 20 jeltoqsan kúni saǵat 13.30-da jaýa bastaǵan qar úzilispen áli de jaýyp tur. Osy aralyqta qalaǵa – 6 sm, taýly aımaqtarǵa 8-10 sm qar tústi.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq qaltalaryn qardan tazartý jumystary jalǵasýda. Kóktaıǵaqqa qarsy 4100 tonna materıal paıdalanyldy.
Qala kóshelerinen 230 tekshe metr qar shyǵaryldy.
Qar kúreýge 596 tehnıka jáne 1610 jol mamany jumyldyryldy.
Aýdandyq ákimdikter men qala ákimdiginde bul jumystardy táýlik boıy baqylaıtyn kezekshilik uıymdastyrylǵan.
Qazgıdromettiń boljamy boıynsha, búgin aýa temperatýrasy kúndiz -6, keshke -8 bolady. Qar kúnniń birinshi jartysynda toqtaıdy.
