Almaty kóshelerine qandaı bordıýrler qoıylyp, aýystyrylady
Ákimdiktiń málimetinshe, qazirgi ýaqytta megapolıstiń jalpy uzyndyǵy 44 shaqyrym bolatyn (ál-Farabı, Tilendıev, Baızaqov, Abaı, Turǵut Ozal, Saın, Tóle bı, Shalıapın, Manas, Qurmanǵazy, Jumalıev, Shaǵabýtdınov, Dosmuhamedov, Túrkebaev) 15 magıstraldy kóshesinde jol jabynyna ortasha jóndeý jumystary júrgizilýde.
«Qalanyń 15 magıstraldy kóshesinde jol-jóndeý jumystary polımerdi qoldaný arqyly júrgiziletin bolady, ol jol jabynynyń sapasyn arttyrady. Polımer qabyrshaqtanbaıdy jáne óte tózimdi. Polımerdi qoldaný joldardyń qyzmet etý merzimin, sarapshylardyń baǵalaýy boıynsha, standarttarǵa sáıkes 4-5 jyl ornyna 8-10 jylǵa deıin uzartýǵa múmkindik beredi», - delinedi ákimdik taratqan habarlamada.
Sondaı-aq ákimdiktiń málimetinshe, ortasha jóndeý kezinde granıtti jáne tsementti-qumdy bordıýrlerdiń qurylymyn eskerý qajet, olardyń sapasyn arttyrý men sapaly jumysy úshin dál qozǵalys bóligine qoıý kerek.
«Mysaly, 15 magıstraldyq kóshede 90 080 granıtti jáne tsementti-qumdy bordıýrler bar, olardyń ishinde dıagnostıka nátıjeleri boıynsha 23 716 (20 987 granıtti jáne 2 729 tsementti-qumdy bordıýrler) jaramsyz jáne estetıkalyq kelbetin joǵaltqan bordıýrler aýystyrylady. Aqaýy joq úıilgen bordıýler tegisteýge jatady. Tegisteý kezinde jol jıekteri olardy joldyń qajetti belgisine teńestirý úshin bólshekteledi. Osydan keıin alynǵan jıekter qaıta paıdalanýǵa jatpaıtyn jaramsyz jıekterdi ishinara aýystyra otyryp, sol ýchaskege ornatylady», - dep habarlady ákimdiktiń baspasóz qyzmeti.
Almaty qalalyq mobıldilik basqarmasynyń basshysy Saǵyndyq Telibaevtyń aıtýynsha, granıtti jáne uzaq merzimdi borttyq tastar aýystyrylmaıdy, olar negizinen qashalatyn bolady.
«Tegistep qashaý - bul bólshekteý jáne ornatý, ony qajetti belgige ornatý. Joldy paıdalaný kezinde jıekter jıi yǵysýy múmkin. Jol jabyndysy men bordıýr arasyndaǵy sańylaýlarǵa baılanysty jol jıeginde jaryqtar paıda bolýy múmkin. Sondyqtan sapaly jumysty qamtamasyz etý úshin asfaltbeton tósemes buryn bordıýrlerdiń tegis ornalastyrý qajet», – dedi ol.
Almaty joldarynda bordıýrlerdiń eki túri qoıylǵan: óte berik granıtti bordıýr jáne tsement-qumdy, olardyń ortasha qyzmet etý merzimi mehanıkalyq zaqymdanýsyz 4-5 jyldy quraıdy.
Granıtti bordıýrlerdi Memlekettik satyp alý týraly zańnamaǵa sáıkes merdiger uıymdar Kúrti aýmaǵynan jetkizýshilerden tenderler arqyly satyp alady. Tsement-qumdy bordıýrler apat saldarynan nemese qar tazalaıtyn mashınalar jumys istep turǵan kezde tezirek jaramsyz bolyp qalady.
«Sondyqtan Almatynyń keıbir magıstraldyq kóshelerinde tsement-qum bordıýler granıtke aýystyrylady. Aıta keterligi, jóndeý jumystary júrip jatqan ál- Farabı dańǵylyndaǵy uyznydy 25 shaqyrymnan asatyn bordıýrdiń tek 1 shaqyrymy ǵana aýystyryldy. Abaı dańǵyly boıynda 18 shaqyrym jıektiń tek 1,5 shaqyrymy ǵana aýystyrylady, al Tilendıev kóshesinde qıraǵan tsement-qum jol jıegi jańartyldy», - dep málim etti Almaty ákimdiginiń baspasóz qyzmeti.
Budan basqa, 6,9 myńnan astam qýma metr jańa bordıýr belgilenedi. Olar jaıaý júrginshilerdiń qaýipsizidigin arttyrý aımaqtaryna qoıylady. Ol Shvetsııa, Nıderlandy, Ulybrıtanııa, AQSh jáne Kanada sııaqty elderdiń tájirıbesin eskere otyryp, Vision Zero jol qozǵalysy qaýipsizdigin arttyrý jáne jol apatyn azaıtý jónindegi halyqaralyq baǵdarlama aıasynda júzege asyrylady.
Eske salaıyq, Almaty ákimi Erbolat Dosaev Almatyda 3-5%-dan aspaıtyn bordıýrler aýystyrylyp, qalǵandary túzetilip, ornyna qoıylatynyn aıtqan bolatyn.