Almaty kóshelerine dıodty shamdar qoıyla bastaldy
ALMATY. 30 qyrkúıek. QazAqparat /Erbol Azanbek/ - Almatyda kóshelerdi dıodty jaryqtandyrý jobasy júzege asýda. Búgin qala ákimi Ahmetjan Esimov Medeý aýdanyndaǵy pılottyq jobamen tanysty, dep habarlaıdy ákimniń baspasóz qyzmeti.
Bul aýdanda pılottyq joba aıasynda dıodty shamdardyń 1 301-i ornatylǵan. Bundaı jaryqtandyrýdyń basty ereksheligi - ekonomıkalyq tıimdiliginde. Óıtkeni elektr energııasy shyǵyndary 25%, iske qosý shyǵyndary 35 % azaıady. Jalpy alǵanda bir jyldyq shyǵyn ádettegi jaryq shamdarymen salystyrǵanda 29% -ǵa azaıady. Bundaı shamdardy paıdalaný ýaqyty kez-kelgen aýa-raıy jaǵdaıynda 10-11 jyl. Eske sala keteıik, buǵan deıin osyndaı jaryq shamdaryn paıdalanýǵa kóshý týraly Elbasy da eskertken bolatyn.
