Almaty kóshelerine 1 myń beınebaqylaý kamerasy ornatylady

ALMATY. QazAqparat - Almaty ákimi Baqytjan Saǵyntaev qala aktıviniń otyrysynda qoǵamdyq qaýipsizdikti qamtamasyz etý sharalary týraly aıtty, dep habarlaıdy QazAqparat tilshisi.

«Almaty kóshelerine jyl sońyna deıin 600 beınekamera ornatylady. 2020 jyly taǵy 400-in ornatý josparda bar. Intellektýaldy júıesi bar, zamanaýı kameralar qalanyń barlyq negizgi nysandaryn qamtıdy. Adamdar kóp jınalatyn jerlerdi baqylaıdy. Bul - qoǵam qaýipsizdigin qamtamasyz etýdiń mańyzdy quraldarynyń biri»,- dedi shahar basshysy.

Sonymen qatar, polıtsııa jumysynyń ashyqtyǵyn qamtamasyz etý úshin qalanyń barlyq aýdandarynda 11 front-keńse ashylady. Onda kelýshiler HQO negizinde yńǵaıly jaǵdaıda qyzmet ala alady.
Sondaı-aq, aktıv otyrysynda sel qaýpin azaıtý máselesi de qaraldy.
«Sel qaýpin azaıtý maqsatynda bıyl Almaty, Qarǵaly jáne Aqsaıdyń kishi jáne úlken ózender basseınderinde 10 avtomattandyrylǵan baqylaý stantsııasynyń qurylysy bastaldy»,- deıdi Saǵyntaev.
Qala ákimi jaýapty mekemelerge sel qaýpi bar nysandarǵa baqylaý stantsııalaryn jedeldetip ornatýdy tapsyrdy.