Almaty kóshelerindegi shuńqyrlardy jamaý jumysy ýaqytynan buryn bastaldy

ALMATY. QazAqparat- Almatyda asfaltbeton qospasyn paıdalanyp joldardaǵy shuńqyrly jóndeý jumystary merziminen buryn bastalady, dep habarlaıdy QazAqparat tilshisi.

Qala ákimdiginiń baspasóz qyzmeti málim etkendeı, jóndeý jumystary magıstraldyq jáne aýdandyq mańyzy bar kóshelerde júrgiziledi jáne qalanyń barlyq aýdanyn qamtıdy.

Shuńqyrlardy jamaý jumysynyń sapasyn arttyrý úshin maýsymdyq profılaktıkada bolǵan asfaltbeton zaýyty iske qosyldy.⠀

«Bıyl uzyndyǵy 200 shaqyrym bolatyn 220 kóshe ortasha jóndeýden ótedi. Almaty qalalyq mobıldilik basqarmasy, «Asfaltbeton-1» zaýyty men jol jóndeýge mamandanǵan kompanııalar ózara is-qımyl týraly memorandýmǵa qol qoıdy. Qujatqa sáıkes, asfaltbeton zaýyty jyl saıyn júrgiziletin josparly profılaktıkalyq jumystan keıin birden iske kiristi»,- dep habarlady Almaty qalasy ákimdiginiń baspasóz qyzmeti.