Almaty kóshelerindegi kólik jarysy: Beınejazbany polıtsııa zerttep jatyr
ALMATY. QazAqparat – Túnde Almaty kóshelerinde qymbat kólikpen jarysqandardyń vıdeosyn tártip saqshylary zerttep jatyr, dep habarlaıdy QazAqparat tilshisi.
Qazirgi ýaqytta YouTube vıdeohostıngisinde jarııalanǵan beınejazbany qalalyq Polıtsııa departamentiniń Ákimshilik polıtsııa basqarmasy zerttep jatyr.
«Qazirdiń ózinde, jarysqa qatysýshylardyń áreketterinde birqatar quqyq buzýshylyq belgileri bar dep aıtýǵa bolady. Quqyqtyq baǵalaý sózsiz bolady, nátıjesinde quqyq buzýshylarǵa qatysty ákimshilik sharalar qabyldanady, olar týraly biz keıinirek aıtatyn bolamyz», - dedi Almaty qalalyq PD.
Bul kadrlarda qymbat kólikterdiń jyldamdyǵy saǵatyna 190 shaqyrymǵa jetkeni kórsetilgen. Al jyldamdyqty shekten tys asyrǵan júrgizýshiler áserlerimen bólisken. Qazirgi ýaqytta vıdeo jeliden óshirildi.
