Almaty kóshelerindegi káriz qaqpaqtarynyń qaıda ketkeni belgili boldy
ALMATY. QazAqparat - Almaty polıtsııasy qala kóshelerindegi káriz qaqpaqtarynyń qaıda joǵalyp ketkenin anyqtady, dep habarlaıdy QazAqparat tilshisi.
Almatylyqtar osy máselege qatysty joldyń ortasyndaǵy iri qalalyq magıstraldarda sý aǵatyn arnalar men káriz qubyrlarynyń aýzy ashylyp, úńireıip jatqan fotolary men vıdeolaryn áleýmettik jelilerge jarııalady.
Túrksib aýdandyq ishki ister basqarmasynyń málimetine sáıkes, múliktik qylmystary úshin buǵan deıin de birneshe ret sottalǵan 24 jastaǵy Ańsar Alısherdiń káriz lıýkteriniń qaqpaqtaryn urlaý boıynsha jeti faktige qatysy bary anyqtaldy. Barlyq materıaldyq dálelder ýaqytynda alynǵandyqtan, ol urlanǵan zattardy satyp úlgermegen. Kúdikti sotqa tartyldy.
«Shoıynnyń qara metall qabyldaıtyn oryndarda erekshe baǵaly ekeni barshamyzǵa málim. Sondyqtan birinshi kezekte barlyq metall qabyldaıtyn kásiporyndar tekserildi. Jáne tekseristen keıin kúmándi zattardy qabyldaǵan tulǵalarǵa qatań jaýapkershilikke tartylatyny týraly eskertý jasaldy. Ádette urylar túnde qımyldaıdy. Mundaı qylmys túri - basqa jaqtan kelgen, jeńil jolmen aqsha tabýdy kózdeıtin adamdardyń áreketi. Jáne olar kommýnaldyq kásiporyndarǵa, eń bastysy - qala turǵyndaryna aıtarlyqtaı zııan keltirip jatqanyn oıyna da almaıtyn sekildi», - dep habarlady Almaty ІІD-niń baspasóz qyzmeti.
Sonymen birge, polıtsııadaǵylar qara jáne tústi metall qabyldaıtyn pýnkterdi jiti qadaǵalaý týraly da habarlady. Іs júzinde urlanǵan avtomobıl akkýmýlıatorlaryn ótkizý jaǵdaılary jıi kezdesedi.
«Men kásibimdi eki aı buryn bastadym. Akkýmýlıator qabyldaımyn, biraq lıýkterdiń qaqpaqtaryn múlde almaımyn. Batareıalardy ákelgende mindetti túrde urlanǵan-urlanbaǵanyn surap alamyn. Qazir men urlanǵan taýarlardy satyp alý arqyly qylmystyq jaýapkershilikke tartylýym múmkin ekenin túsindim. Budan bylaı kúdikti nárselermen baılanysqym kelmeıdi», - deıdi Almaty qalasy Bekmahanov kóshesinde obektisi bar 32 jastaǵy kásipker.
Almaty qalasynyń polıtsııasy azamattardy ózderiniń azamattyq ustanymdaryn belsendi túrde kórsetýge, sondaı-aq káriz lıýkteriniń qaqpaqtaryn urlaý jáne ony satyp alatyn oryndar týraly kez kelgen aqparatty dereý myna telefondarǵa habarlaýǵa shaqyrady: 254-40-07; 8-707-500-59-06 nemese 102. Shynaıy aqparat úshin syıaqy beriledi.
Foto: news.nashbryansk.ru
