Almaty kóshelerinde jarysqan blogerler ustaldy
ALMATY. QazAqparat – Almatyda kóshede kólikpen jarys uıymdastyrǵan bloger ustaldy, dep habarlaıdy QazAqparat tilshisi.
Olardyń jarysqan vıdeosy áleýmettik jelide jarııalanǵan.
Qalalyq PD baspasóz qyzmetinen habarlaǵandaı, quqyqbuzýshylyqty arnaıy monıtorıng toptary anyqtady.
«Tekserý nátıjesinde «BMV» kóligin basqarǵan Nazar R esimdi turǵynǵa qatysty QR ÁqbK 590-babynyń 3-bólimimen – kólikti jalǵan nómirmen aıdaǵany úshin, QR ÁqbK 606-babymen – apatty jaǵdaı týdyrǵany úshin, QR ÁqbK 593-babynyń 2-bólimimen – qaýipsizdik beldigin taqpaı aıdaǵany úshin, QR ÁqbK 595-babynyń 1-bólimimen hattama toltyryldy. Kólik arnaıy aıyp turaǵyna qoıyldy. Al Mersedes tizgindegen adam poltsııadan qashyp júr», - dedi Jergilikti polıtsııa qyzmetiniń basshysy Manap Sattarov.
Jyl basynan beri ákimshilik jaýapkershilikke QR ÁqbK 590-babynyń 5-bólimimen 500 júrgizýshi tartylǵan.
«Olar kólikterine dybys zoraıtqysh ornatqan. Bul dybys kóp adamnyń tynyshtyǵyn buzatyny ras. Qala turǵyndary motıtsıkl aıdaǵan júrgizýshilerge de jıi shaǵym túsiredi. Teksońǵy aptanyń ózinde 17 júrgizýshi jaýapkershilikke tartylǵan», - dedi Manap Sattarov.
