Almaty kóshelerinde taýys júr
ALMATY. QazAqparat - Almaty kóshelerinde ekzotıkalyq qustar - taýystar kezip júr, dep habarlaıdy QazAqparat.
Ekzotıkalyq qustardyń fotosy Instagram jelisindegi Kris_p pablıginde jarııalanǵan.
Qustardyń Shalıapın-Áshimov kósheleri qıylysynda qaýipti jerde júrýi jeli qoldanýshylarynyń alańdaýshylyǵyn týǵyzdy.
Olardyń kópshiligi qus ıesiniń beıǵamdyǵyna, qataldyǵyna tań qalysty.
Atalǵan derekke baılanysty qalalyq zoobaqqa habarlastyq.
«Bul sýretterdiń bizdiń qustarǵa qatysy joq. Bizdiń zoobaqta taýystar túgel. Qustardy sanap otyramyz. Dál qazir olardyń túleıtin kezderi. Sondyqtan, qanattaryn julǵanda aýyrady degen bos sóz. Sonymen qatar, olar minezdi qustar. Eger adam onyń bir jerin aýyrtsa, olar tynysh otyrmaıdy», - dedi Almaty zoobaǵy dırektorynyń zooveterınarııa jónindegi orynbasary Natalıa Inger.
Búginde Almatyda taýys baǵýshylardyń qatary kóbeıgen.
Qalanyń joǵarǵy jaǵyndaǵy jekemenshik sektorynda bul qustar jıi kózge túsedi.
Al janýarlardy qorǵaý uıymynyń ókili ıÝlııa Kovalenkonyń aıtýynsha, Qazaqstanda jabaıy janýarlardy qolda baǵýdyń arnaıy erejesi bar. Eger janýardyń baǵý sol erejege saı bolsa, oǵan eshqandaı ýáj joq. Al eger ereje buzylsa, oǵan zań boıynsha talaptar bar.
«Taýystar sııaqty ekzotıkalyq qustardyń kópshiligi shetelden kontrabandalyq jolmen jetkiziledi. Árbir taýys baǵatyn úıde ımportqa ruqsaty bolý kerek. Al kez-kelgen janýardy satý nemese basqa jerge tasymaldaý úshin arnaıy veterınarlyq qujat bolýy mindetti», - dedi ıÝlııa Kovalenko.
