Almaty kóshelerinde kóktaıǵaq: 2440 tonna qum sebildi
ALMATY. QazAqparat - Almaty ákimdigi qar tazalaý boıynsha jumystardy táýlik boıy atqarmaq, dep habarlaıdy QazAqparat tilshisi.
Qalalyq ákimdiktiń baspasóz qyzmetinen habarlaǵandaı, keshe keshki ýaqyttan bastap túni boıy jaýǵan qardyń bıiktigi 4 sm jetti.
«Jergilikti kommýnaldyq qyzmetter kóktaıǵaqqa qarsy 2440 tonna qum men 1530 tonna tuz qospasyn seýip shyqqan. Sonymen qatar trotýarlar men joldar qardan tazartylǵan. Qar tazalaý jumystaryna 526 tehnıka, 1416 jumysshy jumyldyryldy», - dedi ákimdiktiń baspasóz qyzmetinen.
«Kazgıdromet» RMK boljaýynsha, Almatyda 5 jeltoqsanǵa qar jaýýy yqtımal.
Aýdandyq ákimdikter qar tazalaý jumystaryna táýlik boıy kezekshilik belgiledi.
