Almaty kóshelerinde avtomatty sýarý júıesi ornatylady

Jasyl aımaqtardy sýarýmen qamtýdy ulǵaıtý úshin uzyndyǵy 38 shaqyrym bolatyn 13 magıstraldyq kóshe boıynda avtosýarý júıesin ornatý josparlanyp otyr. Bul týraly qala ákimi Erbolat Dosaev Áýezov aýdanynyń turǵyndarymen kezdesýde málim etti, dep habarlaıdy QazAqparat tilshisi.

«Búgingi tańda jobalaý-smetalyq qujattama ázirlenip jatyr. Bıýdjet qarajatynan 99,3 mln teńge bólindi. Qurylys-montajdaý jumystary 2024 jyldyń II-shi toqsanynda bastalyp, IV-shi toqsanynda aıaqtalady»,- dedi Erbolat Dosaev.

Aıta keteıik, megapolıste 20 qyrkúıekte kúzgi kóshet egý naýqany bastalady. Onyń aıasynda 300 myńǵa jýyq kóshet egiledi.

Qazir kógaldandyrýshylar tehnologııa boıynsha kóshet otyrǵyzǵanǵa deıin 5-10 kún jeldetilýi tıis shuńqyrlardy qazyp, topyraqty daıyndaýǵa kiristi. Kúzgi aǵash egý naýqany qalanyń barlyq aýdanyn qamtıdy.