Almaty kóshelerinde 7-Qysqy Azıada oıyndarynyń Alaý estafetasy ótýde
ALMATY. 12 qańtar. QazAqparat /Ádilet Musahaev/ - Almaty kóshelerinde 7-Qysqy Azıada oıyndarynyń alaý estafetasy ótýde. Alaýdy qala ákimi Ahmetjan Esimov tutatyp, estafetanyń bastalǵanyn jarııa etti.
Odan keıin Alaýdy birinshi bolyp qala ákiminiń orynbasary Serik Seıdýmanov alyp júrdi. Ákimniń orynbasarynan estafetany qazaqstandyq tanymal sportshy, QR Tuǵyrdan shańǵymen sekirý federatsııasynyń prezıdenti Andreı Verveıkın qabyldady.
Odan keıin Almaty kóshelerimen aldyn ala belgilengen baǵyt boıynsha Alaý estafetasyn tanymal tulǵalar men sportshylar, mádenıet qaıratkerleri, memlekettik jáne ÚEU ókilderi jalǵastyrýda. Budan buryn habarlaǵanymyzdaı, bul saltanatty sharaǵa 80 adam qatysady.
