Almaty kóshelerinde 200 jańa avtobýs paıda bolady
ALMATY. QazAqparat - Qazaqstan Respýblıkasyndaǵy «Germanııa ekonomıkasy» kúnine oraı Almaty qalasynyń ákimi Baýyrjan Baıbek ınnovatsııalyq tehnologııalar jáne mashına jasaý salasynyń iri ortalyǵy Baden-Vıýrtemberg Federaldy jeriniń (astanasy Shtýtgart qalasy, Germanııa) saýda-ónerkásiptik palatalar odaǵynyń delegatsııasyn qabyldady.
Kezdesý barysynda qala ákimi jyl saıyn dástúrli ótetin «Qazaqstandaǵy Germanııa ekonomıkasy kúni» dástúrli forýmyna jáne germandyq kásiporyndarǵa seriktestikpen birlesken jumysty ózara tıimdi sheshýge, naqtylanǵan ıınovatsııalyq jobalardy talqylaýǵa arnalǵan tusaýkeserlik alańdarǵa aınalǵandyǵyn aıryqsha atap ótti.
Jańa avtobýstardy iske qosý «5 ınstıtýtsıonaldyq reformany iske asyrý boıynsha 100 naqty qadam» boıynsha júrgiziletin jumys sheńberinde jáne QR Táýelsizdiginiń 25 jyldyǵy qarsańynda júrgizilýde.
Saýda-ónerkásiptik palatalar odaǵynyń prezıdenti Peter Kýlıtts atap ótkendeı, túrli aımaqtardan jınalǵan ekonomıka salasynda qyzmet atqaratyn delegattar, Qazaqstannyń eń iri ekonomıkalyq ortalyǵyna iskerlik belsendilikterimen jáne olardyń múmkindikterimen tanysý úshin kelgen.
«Germanııa Eýropalyq odaqta Qazaqstannyń basty seriktesi bolyp tabylady. Eki el arasyndaǵy saýda-ekonomıkalyq qarym-qatynastar, ekonomıkany turaqty serpindi túrde nyǵaıtý jáne ózara is-qımyl jasasýdyń jańa múmkindikterin qarastyren sıpattalady. Sondyqtan Almaty qalasy Germanııalyq kásiporyndardyń naryqqa shyǵýyna jáne Qazaqstan men Ortalyq Azııa elderinde ınvestıtsııalyq qyzmetti júzege asyrýǵa járdemdesedi» - dedi óz sózinde Baýyrjan Baıbek.
Sol kúni Qazaqstandyq «FalconEuroBus» kompanııasymen jáne «Daimler AG» avtomobıl qurylysy kontserni arasynda shartqa qol qoıylyp, qalalyq baǵyttarda qyzmet kórsetý úshin zamanaýı 200 «Mersedes» avtobýstarynyń iske qosylýy josparlandy.«FalconEuroBus» kompanııasy 24 mıllıard teńgeden astam eýrostandartqa saı jolaýshylar kóliginiń parki qurylysyn ınvestıtsııalaıdy. Áýezov aýdanyndaǵy jer ýchaskesiniń batys baǵytyndaǵy Tóle bı men ıAssaýı kósheleriniń qıylysynda 7 gektarlyq jer aýmaǵynda ornalastyrylatyn ákimshilik ǵımaraty, 2 qosalqy bólshekter qoımasy, jóndeý oryny, janarmaı quıý beketteri,avtobýstarǵa arnalǵan 255 jabyq turaqtary, sonymen qatar qyzmetkerler úshin oqý ortalyǵy salynýy múmkin. Aǵymdaǵy jyldyń jeltoqsan aıynda Germanııadan alǵashqy 5 eýrostandarttyq 20 avtobýs parkke kelip túsedi dep kútilýde.
«Almaty qalasynda kólik ınfraqurylymyn jetildirý suraqtaryna zor kóńil bólinedi. Bizdiń bul baǵyttaǵy eń negizgi ólshemsharttarymyz - sapaly avtoparkter, joǵary deńgeıde qyzmet kórsetý jáne bilimdi de bilikti mamandar daıyndaý bolmaq. Bul avtobýstar shaharymyzdyń shyraıyn keltirip, ásirese Ýnıversıada-2017 qarsańynda «Mersedes» markaly avtobýstarynyń sapasy men jaılylyǵyn kez-kelgen jolaýshy men qonaqtar da sezinip, baǵasyn beredi degen oıdamyn» - dedi qala ákimi.
«Daimler Bus» dırektorynyń sózine oraı, Soltústik Eýropadaǵy marketıng jáne satý boıynsha, Shyǵys Eýropa jáne Ortalyq Azııa Hakan Ionssonanyń - bul tek qana Qazaqstanda emes, Ortalyq Azııadaǵy alǵashqy jobasy bolyp sanalady.
«Qýantarlyǵy, qala ákimdigi jolaýshylar kóligi jobasyn belsendilikpen qoldaýda. Biz jetistikke jetý úshin ekijaqtylyq áriptestikke zor senim artamyz. Jalpy «Mersedes» avtobýsy ekologııalyq jaǵdaıdy jaqsartýǵa, qoǵamdyq kólikterdiń ınfraqurylymyn bir qalypqa túsirýge óz úlesin qosady dep oılaımyn» - dedi H.Ionsson sózin jalǵastyryp.
Sonymen qatar qala ákimi Germanııa Federatsııalyq Respýblıkasynyń Qazaqstandaǵy elshisi Rolfom Mafaelemmen jáne Almaty qalasyndaǵy GFR bas konsýly Iorn Rozenbergpen kezdesti. Kezdesý barysynda bolashaqta áriptestik baılanysty nyǵaıtý máseleleri keńinen qarastyryldy.
