Almaty kóshelerin sý basý máselesi qalaı sheshiledi
ALMATY. QazAqparat- Almaly aýdanynda únemi sý basatyn 12 ýchaske anyqtaldy. Bul týraly Almaty ákimi Erbolat Dosaev aýdan turǵyndarymen kezdesýinde málim etti, dep habarlaıdy QazAqparat tilshisi.
Onyń aıtýynsha, Áıteke bı kóshesiniń Nazarbaev dańǵyly, Abylaıhan dańǵyly jáne Panfılov kóshesimen qıylysyndaǵy, sondaı-aq Masanshy kóshesiniń Maqataev kóshesimen qıylysyndaǵy ýchaskeler kollektorǵa qosyldy.
«Jyl sońyna deıin Maqataev kóshesiniń boıyndaǵy jalpy uzyndyǵy 3,6 km kollektor qalpyna keltiriledi. Raıymbek dańǵylynyń boıynan qosymsha 2,3 km jańa aryq jelisi men 1,6 km kanal salamyz», - dedi Erbolat Dosaev.
Sondaı-aq ol osy aıda ákimdik 52 ýchaskede 34 km aryq jelisin rekonstrýktsııalaýdy jáne salýdy bastaıtynyn aıtyp ótti.
Jumystardy 2024 jyldyń sońyna deıin aıaqtaý kózdelgen.
