Almaty kóshelerin nóser jańbyrdan keıin sý alyp ketti
ALMATY. QazAqparat - Almaty kóshelerin kúni boıy jaýǵan jańbyrdan keıin sý basyp ketti, dep habarlaıdy QazAqparat.
Kúni boıy tolassyz jaýǵan jańbyr almatylyqtardy búgin úıde otyrýǵa májbúrledi. Keshki saǵat 19:30-de qalaǵa 7 mm jaýyn-shashyn tústi.
Qalada júrý qıynǵa aınaldy, óıtkeni kóshelerde jaıylma sý basyp ketken. Sý júrginshiler joly jáne kóshelermen aǵyp jatyr.
Qalalyq tabıǵı resýrstar jáne tabıǵat paıdalanýdy retteý basqarmasynyń málimetinshe, 28 qazanda jaýǵan jańbyr kezinde aýdandyq ákimdikter men qutqarý qyzmetteri jaıylyp ketken sýdy aǵyzý úshin utqyr brıgadalar kezekshiligin uıymdastyrǵan. Olardyń qatarynda 280 adam, 115 arnaıy tehnıka, 30 motosorǵy jáne 5 assenızator mashınasy bar. Olar aryq jelisinde sýdyń kedergisiz aǵýyn qamtamasyz etip men sý sorǵyzýmen aınalysýda.
Sonymen qatar 3 myń qap, 200 tonna qum ázirlengen.
Aýdan ákimdikter daýyldyq eskertýge deıin aryq júıelerin tazartý jáne joldar men aryqtardan japyraqtardy jınap alýdy uıymdastyrǵan. Oǵan 180 tehnıka men 1 260 jolǵa qyzmet kórsetetin jumysshy jumyldyrylǵan. Qalalyq Tótenshe jaǵdaılar departamenti men aýdandyq ákimdikterdiń málimetinshe, qaladaǵy 13 ýchaskede sý alyp ketken jerler retke keltirilip, sý basqan tustar joıylǵan.
Avtor: Albert Ahmetov
