Almaty kóshelerin qardan tazartýǵa 1,5 myń jumysshy tartyldy

ALMATY. QazAqparat –Almaty kóshelerindegi qardy jınaýǵa 600 tehnıka men 1,5 myń jumysshy jumyldyryldy, dep habarlaıdy QazAqparat tilshisi.

Megopolıske kesheden beri tolassyz qar jaýyp jatyr. Búgin de jaýady degen boljam bar.

«Kóktaıǵaqtyń aldyn alý maqsatynda joldarǵa, burylystarǵa, jolaıryqtarǵa 4150 tonna materıal sebildi. Trotýarlar, ortaq paıdalanatyn jerler, jaıaý júrginshi aımaqtary, ótpeli joldarǵa kiretin jáne shyǵatyn jerler qardan tolyqtaı tazartylyp jatyr» delingen ákimdik habarlamasynda.

Tańnan beri qalada 596 tehnıka men 1566 jol jumysshy qar jınaýda.

Aýdan ákimdikteri men qala ákimdiginde qar jınaýdy jiti qadaǵalaıtyn kezekshilik táýlik boıyna uıymdastyryldy.