Almaty kóshelerin qardan tazalaýǵa 574 kólik shyǵaryldy
ALMATY. QazAqparat - Almatyda tún ishinde qalyńdyǵy 30 santımetrge jetetin qar tústi, dep habarlaıdy QazAqparat tilshisi qalalyq ákimdiktiń Jasyl ekonomıka basqarmasyna silteme jasap.
Basqarmanyń habarlaýynsha, búgin tańerteńgi 08:00-den beri qalada jaýǵan qardyń qalyńdyǵy 20 sm-ge jetse, taýly aımaqtarǵa 30 sm-ge jýyq qar túsken.
Qardy tazalaýǵa 574 tehnıka jumyldyryldy.
Merdiger uıymdar kóshelerge kóktaıǵaqtyń aldyn alý úshin 3 100 tonna qum tókti.
Kúndiz 718 arnaıy tehnıka men 2,2 myń jol jumysker shyqty.
Basqarma ókilderi turǵyndarǵa jeke kólikterin jol shetinde qaldyrmaýdy suraıdy. Áıtpese trotýar mańynyń qardan tazalanýyna kedergi keltiredi.
Eskertýdi elemegenderdiń kólikteri evakýatormen alynyp tastalady.
