Almaty kóshelerimen densaýlyq avtobýsy júrip ótedi
ALMATY. QazAqparat - "Óz mártebeńdi bil" Dúnıejúzilik naýqany sheńberinde Almaty kóshelerinde densaýlyq avtobýsy júrip ótedi, - dep habarlaıdy QazAqparat tilshisi
"Kez kelgen adam AITV-ǵa jedel test jasap, mamandardyń keńesterin ala alady. Densaýlyq avtobýsy Tóle bı kóshesi boıymen qalanyń ortalyǵyna qaraı júretin bolady. Qozǵalys 12:00 de Tóle bı-Momyshuly kóshesinen bastalady. Avtobýs aıaldamalarda toqtap, nıet bildirýshilerdi kútetin bolady",- dedi Almaty qalasynyń JITS-tiń aldyn alý jáne oǵan qarsy kúres ortalyǵy men "Revansh" qoǵamdyq qorynyń ókilderi.
Testileý, jasyryn jáne tegin túrde júrgiziledi. Álemde Dúnıejúzilik JITS-pen kúres bıyl otyzynshy ret atalyp ótilýde. 15 qarashada bastalǵan "Óz mártebeńdi bil" naýqany 15 jeltoqsanǵa deıin jalǵasady.
