Almaty kósheleri qardan jedel tazalanyp jatyr
ALMATY. Qarashanyń 10-y. QazAqparat /Ádilet Musahaev/ - Almatyda qar tazalaý jumysy toqtaýsyz júrip jatyr. Bir-eki kún ishinde Almatyda tolassyz qar jaýyp, onyń bıiktigi 6-7 santımetrge jetti. Saǵat 03.00-den bastap «QEB Avtobaza» AQ jumysshylary kósheni tazalaý ústinde.
Buǵan 210 tehnıka jumyldyryldy. Jınalǵan qar qala syrtyna jedel tasylýda. Sondaı-aq qalany tazalaýǵa shveıtsarııalyq zamanaýı toǵyz «Boýng Djetbrým» kóligi tartylǵan, dep habarlaıdy QazAqparat Almaty qalasy ákimdiginiń baspasóz qyzmetine silteme jasap.
Qalany taza ustap, qysqy merzimde jedel tazalaý jumystaryn júrgizý maqsatynda «QEB Avtobazasy» qosymsha arnaıy 50 kólik, jerge sebiletin 12 myń tonna materıal jáne 3 myń tonna hlorıd daıyndady. Jalpy «QEB Avtobaza» AQ-da 687 arnaıy tehnıka bar.
