Almaty kósheleri qandaı preparatpen dezınfektsııalanyp jatyr

ALMATY. QazAqparat – Almatynyń bas sanıtar dárigeri qala kósheleri nemen zararsyzdandyrylyp jatqanyn aıtty, dep habarlaıdy QazAqparat tilshisi.

Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymovanyń aıtýynsha, qaladaǵy kósheler men aýlalardy zararsyzdandyrýǵa 0,05% natrıı gıpohlorıti qoldanylady.

«Bul dezınfektsııa quralyn jappaı zararsyzdandyrý úshin paıdalanýǵa ruqsat berilgen. Quramynda toksın az. Aýrý oshaqtaryn zararsyzdandyrýǵa 1% eritindini qoldanamyz. Qoldaný kezinde barlyq saqtyq sharalary jasalady», - dedi Aızat Moldaqasymova.