Almaty koronavırýsqa qarsy vaktsınanyń taǵy eki transhyn alady

Almaty qalalyq qoǵamdyq densaýlyq saqtaý basqarmasynyń málimetinshe, bıylǵy jyldyń 1 aqpany men 8 sáýiri aralyǵynda 49 160 adamǵa ekpe salyndy. Onyń 12281-i vaktsınanyń eki komponentin de alǵan. Ótken táýlikte 1180 adam ekpe saldyrdy.

Keshegi kúni qalaǵa vaktsınanyń besinshi jáne altynshy transhy - 18000 jáne 29000 doza jetkizildi. Jaqyn kúnderi vaktsınanyń 424 myń dozasy alynady.

Almaty emhanalarynda barlyǵy 198 vaktsınatsııa pýnkti ashyldy. Saýda – oıyn ortalyqtarda – 20. Sondaı-aq respýblıka saraıynda da ornalastyrylǵan. Jalpy megapolıste ekpe salatyn 250 pýnkt jumys isteıtin bolady.

«Almatyda 2 mln-ǵa jýyq turǵyn bar. Onyń ishinde 18 jasqa deıingi balalardyń sanyn alyp tastaıtyn bolsaq, teorııalyq turǵydan alǵanda, halyqtyń 50% vaktsınatsııalaýǵa bolady. Gamaleıa ınstıtýtynyń mıkrobıologııa professory Aleksandr Gıntsbýrgtyń aıtýynsha, koronavırýsqa qarsy ujymdyq ımmýnıteti qalyptastyrý úshin halyqtyń 75% ımmýndaý qajet»,- dep habarlady basqarmadan.

Qazir qaladaǵy emhanalar vaktsına saldyrýǵa nıetti barlyq kelýshilerdi tirkeýge alyp, kezekke qoıyp jatyr.