Almaty kórkem fılmder kınostýdııasynyń qurylǵanyna - 70 jyl
ALMATY. 12 qyrkúıek. QazAqparat /Názıra Eleýhan/ - Almaty kórkem fılmder kınostýdııasynyń qurylǵanyna 70 jyl boldy.
1941 jyldyń 12 qyrkúıek kúni Qazaq KSR Halyq komıssarlary keńesiniń 1941 jylǵy 12 qyrkúıektegi №762 qaýlysy negizinde Almaty kórkem fılmder kınostýdııasy uıymdastyryldy.
Keıinnen kınostýdııanyń ataýy "Qazaqfılm" kınostýdııasy dep aýystyryldy. 1984 jyly «Qazaqfılm» kınostýdııasyna ulttyq kınematograftyń kórnekti qaıratkeri Sháken Kenjetaıuly Aımanovtyń esimi berildi. (Sh. Aımanov atyndaǵy «Qazaqfılm» kınostýdııasy).
70 jyl ishinde kınostýdııada 228 tolyqmetrajdy jáne 70 qysqametrajdy kórkem fılm, 1133 derekti fılm jáne 139 anımatsııalyq fılm túsirilgen.
Odan bergi ýaqyttan kınostýdııada kóp nárse ózgergen. Qazirgi ýaqytta stýdııa sońǵy zamanaýı tehnıkamen jabdyqtalǵan. Onyń negizgi qyzmeti - kórkem, derekti jáne anımatsııalyq fılmderdi shyǵarý, sonymen qatar, sheteldik fılmderdi qazaq tiline dýblıajdaý bolyp tabylady.
Sońǵy jyldary «Qazaqfılm» kınostýdııasynda «Skaz o rozovom zaıtse» (rejısseri Farhat Sharipov), «Lıkvıdator» (rej. Aqan Sataev), «Balalyq shaǵymnyń aspany» (rej. Rústem Abdrashev), «Ryvok» (rej. Qanaǵat Mustafın), «Ironııa lıýbvı» (rej. Erjan Rústembekov pen Aleksandr Chernıaev) syndy kóptegen tanymal fılmder túsirildi.
