Almaty-Qorǵas jolynda eki adam kólikte órtenip ketti

TALDYQORǴAN. QazAqparat - Almaty-Qorǵas jolynda eki adam kólikte janyp ketti, dep habarlaıdy QazAqparat tilshisi.

Oqıǵa ornynan áleýmettik jelilerde vıdeo tarady.

«2021 jyldyń 3 maýsymda saǵat 17:59-da Almaty oblysynyń TJD Eńbekshiqazaq aýdanynda «Almaty-Qorǵas» avtojolynyń 82 shaqyrymynda jeńil avtokóliktiń órtengeni týraly habarlama kelip tústi. Shaqyrý ornyna Almaty oblysy TJD 4 qyzmetkeri men 1 tehnıka shyqty. Jaqyn jerdegi órt sóndirý bóliminen qashyqtyq 45 km qurady.

Órt ornynda, avtokólik salonynda 2 jolaýshynyń janyp ketken denesi tabyldy»,- dedi Almaty oblysy TJD baspasóz qyzmetiniń habarlamasynda.

Órttiń shyǵý sebebi anyqtalýda.

Atalǵan vedomstvo qyzmetiniń ókilderi azamattardan órt qaýipsizdigi erejelerin saqtaýdy suraıdy.