Almaty-Qorǵas jolyn jańǵyrtýǵa 1 068 mln. dollar qaryz qarajaty bólinedi - Parlament
ASTANA. 2 mamyr. QazAqparat - Búgin Parlament Senatynyń jalpy otyrysynda depýtattar «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy Qaryz týraly kelisimdi (Shyǵys-Batys avtomobıl joldaryn damytý jobasy (Almaty -Qorǵas ýchaskesi):
Batys Eýropa-Batys Qytaı halyqaralyq tranzıt dálizi (OAÓEY 1b) ratıfıkatsııalaý týraly» zańyn qabyldady.
Qujattyń maqsaty Almaty oblysynyń shegindegi avtojol ýchaskelerin jańǵyrtýdy kózdeıdi. Atalǵan ýchaskeniń uzaqtyǵy úsh júz tórt shaqyrymdy quraıdy.
Osy jobany iske asyrý eldiń kóliktik áleýetin damytýdy qamtamasyz etedi. Halyqaralyq dálizdiń qazaqstandyq bóligi boıynsha qozǵalys qarqynyn edáýir arttyrady, tranzıttik júkter aınalymy tıisinshe ósetin bolady. Bul rette HQQDB Qazaqstanǵa 1 068 mln dollar somasynda qaryz beredi. Qaryzdy óteý merzimi bes jyl jeńildikti qosa alǵanda on toǵyz jyl bolyp belgilengen. Bul rette QR Úkimetiniń birlesip qarjylandyrýy 188,5 mln. dollardan aspaıdy.
