«Almaty – Qorǵas» trassasynda qaýipti jaryq paıda boldy
ALMATY. QazAqparat - Áleýmettik jelide «Almaty — Qorǵas» tasjolynda paıda bolǵan defekti jaıly vıdeo jarııalandy, dep habarlaıdy QazAqparat tilshisi.
Vıdeojazbadan Shelek aýylynyń mańynda joldyń betondy plıtkasy kóterilip ketkenin baıqaýǵa bolady. Jaryq úlken bolmaǵanymen, qaýipti ekeni anyq.
«QazAvtoJol» AQ baspasóz qyzmetinen habarlaǵandaı, bıylǵy 29 sáýirde temperatýra kúrt joǵarylaǵandyqtan, tsement-beton jabyny keńeıip, aqaý paıda bolǵan.
«Ýchaskede jyldamdyqtyń shektelýi týraly ýaqytsha jol belgileri qoıyldy. Almaty oblysy jol polıtsııasy ÁPB qyzmetkerleri jumys istep jatyr. Komıssııa quryldy. Komıssııa jumysynyń nátıjesine saı tasjoldy qalpyna keltirý jumysy júrgiziledi»,- dep habarlady vedomstvodan.
