Almaty-Qorǵas tasjolynda jeńil avtokólik tıegen júk kólikteri soqtyǵysty

ALMATY. QazAqparat - Almaty oblysyndaǵy tasjolda iri kólik apaty boldy, dep habarlaıdy QazAqparat tilshisi.

Áleýmettik jelide «Almaty-Qorǵas» tasjolynda bolǵan iri jol apatynyń vıdeosy paıda boldy.
Beınejazbadan aýdarylyp qalǵan júk tıelgen tirkeme men qıraǵan kólikterdi baıqaýǵa bolady.
Almaty oblystyq Polıtsııa departamenti málim etkendeı, jol apaty 26 aqpan kúni saǵat 11:00-de Almaty-Shelek-Qorǵas tasjolynyń 42-shaqyrymynda boldy.
Aldyn ala málimet boıynsha, 40 jastaǵy júrgizýshi tizgindegen MAN júk kóliginiń artqy jartylaı tirkemesi shyǵyp ketip, DAF avtotasyǵyshyna soǵylyp, soqqy ınertsııasynan ol Mercedes-Benz avtotasymaldaýshysymen soqtyǵysqan.
MAN júk kóligi búıirine aýdarylyp qalǵan. Apat saldarynan avtokólik tasymaldaýshy júk kóligine tıelgen kólikter zaqymdalǵan. Qurbandar men zardap shekkender joq.

Polıtseıler jol-kólik oqıǵasy boıynsha QR ÁQBtK-niń 610-babynyń 2-bóligi «Adamdardyń densaýlyǵyna, kólik quraldarynyń nemese ózge de múliktiń zaqymdalýyna ákep soqqan jol qozǵalysy erejelerin buzý» boıynsha tergeý júrgizip jatyr.