«Almaty-Qorǵas» tasjolynda kólik apatynan bir adam mert boldy
TALDYQORǴAN.QazAqparat - «Batys Evropa-Batys Qytaı» tas jolynyń 54 shaqyrymynda kólik apatynan 1965 jylǵy áıel adam mert boldy. Qaza bolǵan adam — kólik júrgizýshisiniń anasy, dep habarlaıdy QazAqparat tilshisi.
Oqıǵa 24 qarasha kúni túngi saǵat 20:00 shamasynda bolǵan. Almatyǵa qaraı baǵyt alǵan «Mazda Familia» kóligi jol jıegindegi temir jaqtaýshalarǵa soǵylyp, oqıǵa ornynda bir adam mert boldy. Qaıtys bolǵan 1965 jylǵy áıel adam — júrgizýshiniń anasy. Almaty oblystyq Polıtsııa departamenti baspasóz qyzmetiniń málimetinshe, mashına salonynda alty adam bolǵan. Onyń ekeýi — bala. Qazir 1995 jylǵy kólik júrgizýshisi túrli dene jaraqatymen aýrýhanaǵa túsken. Al qalǵan tórt adamnyń jaǵdaıy jaqsy.
«Atalǵan fakti boıynsha QR QK 345-babynyń 3-tarmaǵyna sáıkes sotqa deıingi tergeý júrip jatyr. Bul ispen Almaty oblystyq Polıtsııa Departamentiniń anyqtaýshylary aınalysýda. Qajetti saraptamalar taǵaıyndalǵan» dep málimdedi atalǵan vedomstvonyń baspasóz qyzmetinen.
