Almaty-Qorǵas tasjolynda beton plıtalar kóterilip ketti
ALMATY. QazAqparat - 8 maýsym kúni Almaty-Qorǵas tasjolynyń 190-shaqyrymynda beton plıtalar kóterilip ketti, dep habarlaıdy QazAqparat tilshisi.
Onyń vıdeosy ádeýmettik jelide tarap jatyr.
Bul aqparatty «QazAvtoJol» mekemesiniń baspasóz qyzmeti de rastady.
«8 maýsym kúni shamamen keshki saǵat 20:25-te ońtústik baǵyttaǵy joldyń 190-shy shaqyrymynda joldyń júrý bóliginde tsement-beton jabyny kóterilip ketti. Búgingi kúni joǵaryda atalǵan olqylyqty joıý jumystary aıaqtaldy. Kólikterdiń qaýipsiz qozǵalýy qamtamasyz etildi», - dep jaýap berdi «QazAvtoJol» AQ baspasóz qyzmeti.
Aıta keteıik, osydan eki jyl buryn kúnniń qatty ysýynan Almaty-Qorǵas tasjolynyń 86 shaqyrymynda beton plıtalar qozǵalǵan bolatyn.
