Almaty-Qorǵas tas jolynda kúnniń ystyǵynan beton plıtalar kóterilip ketti
TALDYQORǴAN. QazAqparat - Kúnniń qatty ysýynan 2 shilde kúni Almaty-Qorǵas tas jolynyń 86 shaqyrymynda beton plıtalar qozǵalǵan. Bul aqparatty «QazAvtoJol» mekemesiniń baspasóz qyzmeti de rastady, dep habarlaıdy QazAqparat tilshisi.
Báıdibek bı aýylynyń mańynda aqyly joldyń betondy plıtalary bir-birine qosylǵan tusynda qozǵalǵan. Sonyń saldarynan tas joldyń betki qabaty kóterilgen.
«Aqaý shyqqan ýchaskede «QazAvtoJol» jumysshylary ákimshilik polıtsııa qyzmetkerlerimen jedel túrde eskertý belgilerin ornatyp, jol boıynda patrýldik kólik kezekshilik júrgizdi.
Kemshilikter jyldam joıylyp, kólikterdiń qaýipsiz qozǵalýy qamtamasyz etildi. Vedomstvo ókilderi ýaqytsha keltirilgen qolaısyzdyqtar úshin jolaýshylardan keshirim surap, aqaýdy der kezinde anyqtap, habarlaǵan kólik júrgizýshilerine alǵys bildiredi», - delingen «QazAvtoJol» AQ-ń baspasóz qyzmeti jarııalaǵan habarlamada.
