Almaty kópir bólshekterin jasaý zaýytynyń jumysshylary Elbasynyń ókilettigin uzartýdy qoldady
ALMATY. 31 jeltoqsan. QazAqparat /Erbol Turymbetov/ - Búgin «Almaty kópir bólshekterin jasaý zaýyty» JShS-de eńbek ujymynyń Elbasy Nursultan Nazarbaevtyń ókilettigin 2020 jylǵy jeltoqsanǵa deıin uzartý maqsatynda búkilhalyqtyq referendým ótkizý jónindegi respýblıkalyq yntaly toptyń usynysyn talqylaý jóninde jıyn ótti.
Jıyn barysynda 500 adam qyzmet etetin atalmysh seriktestiktiń eńbek ujymy referendýmdy biraýyzdan qoldaıtyndyqtaryn bildirdi.
«Nur Otan» HDP qalalyq fılıaly tóraǵasynyń birinshi orynbasary Mahambet Beıdáli Elbasynyń ókilettigin uzartý jónindegi bastamany almatylyqtardyń qyzý qoldap jatqanyn aıtty. «Búginde barlyq jerde atalǵan bastamaǵa qoldaý bildirýshiler artýda. Elbasynyń basshylyǵymen ındýstrııaldy - ınnovatsııalyq jáne basqa da memlekettik baǵdarlamalar qabyldandy. Osy baǵdarlamalardy Elbasymen birge júzege asyrýda Prezıdentimizdiń ókilettigin uzartýdyń mańyzy zor», dedi M. Beıdáli.
«Almaty kópir bólshekterin jasaý zaýyty» JShS 1963 jyldyń 26 naýryzynda iske qosylǵan edi. Munda kópir, týnnel, avtokólik joldary jáne t.b. qurylystaryna qajetti temirbeton bólshekteri jasalady.
