Almaty qonaq úıleriniń birine jarylǵysh zat qoıylǵandyǵy týraly jalǵan aqparat saldarynan 20 adam qaýipsiz jerge kóshirildi
TANA. 17 qyrkúıek. QazAqparat - Almaty qonaq úıleriniń birine jarylǵysh zat qoıylǵandyǵy týraly jalǵan aqparat saldarynan 20 adam qaýipsiz jerge kóshirildi, dep habarlady QR TJM baspasóz qyzmetinen.
Atap aıtqanda, búgin túngi saǵat 02:16-da 101 qyzmetiniń pýltine Áýezov aýdanynda ornalasqan «Ekspress» qonaq úıine jarylǵysh zat qoıylǵandyǵy týraly anonımdi habar túsken. Sonyń saldarynan qonaq úıdegi 20 adam qaýipsiz jerge kóshirilgen. Arnaıy júrgizilgen is-shara barysynda jarylǵysh zat tabylǵan joq.
Yqtımal tótenshe oqıǵanyń aldyn alýǵa shuǵyl áreket etý qyzmeti, onyń ishinde QR TJM Almaty qalalyq TJD jeke quramynyń 5 mamany men 1 tehnıkasy jumyldyryldy.
