Almaty qonaq úıindegi bala ólimi: Kúdikti brıtandyq azamat
ALMATY. QazAqparat – Almatydaǵy InterContinental qonaqúıinde qyzyn óltirgen kúdikti er adam 41 jastaǵy Ulybrıtanııa azamaty bolyp shyqty, dep habarlaıdy QazAqparat tilshisi.
Buǵan deıin, kúdiktini 2 aıǵa qamaýǵa alý túrindegi bultartpaý sharasy taǵaıyndalǵan bolatyn.
Eske salaıyq, 24 qazan kúni er adam bir jarym jasar qyzyn uryp-soǵyp, mert qyldy. Alǵashynda ol perzentin býyndyryp óltirgendigi týraly habar taraǵan edi.
Almaty qalalyq Polıtsııa departamentiniń aqparatyna sáıkes, atalmysh fakti sotqa deıingi tergeýdiń biryńǵaı tizilimine engizildi. QR QK-niń 99-baby (kisi óltirý) boıynsha tergeý bastalyp, sot-medıtsınalyq saraptama taǵaıyndaldy.
