Almaty kommýnaldyq qyzmetteri qalyń qardy tazalaýǵa kiristi

ALMATY. QazAqparat - Almaty kommýnaldyq qyzmetteri qalyń qardy tazalaýǵa kiristi, dep habarlady qalalyq Tabıǵı resýrstar jáne tabıǵatty paıdalaný basqarmasy.

Aıta ketý kerek, qalada keshe jaýyn jaýyp, arty qarǵa ulasqan edi.

Tańǵy 8-ge deıin qala aýmaǵynda jaýǵan qardyń bıiktigi 7-10 sm-di qurady.

Negizinen qalanyń joǵarǵy aýmaqtarynda taýly aýdandarda túsken qalyń qardyń bıiktigi 25 sm-ge jetti.

Búgin Tóle bı kóshesiniń ońtústigine qaraı qumdy-hlorıdti untaq tóseldi. Qalanyń yldıdaǵy aımaqtarynda arnaıy tehnıkany jumyldyrýdyń qajettiligi joq.

Jalpy qaladaǵy qardy tazalaý jumystaryna 390 tehnıka men 570 adam jumyldyryldy.

Adam kóp júretin trotýarlarda 65 arnaıy şetkasy bar traktor jumys jasaýda.

Aıta ketý kerek, Almaty joldaryndaǵy qaýipsizdikti qamtamasyz etý úshin 1200 tonna qumdy-hlorıdti untaq paıdalanyldy.