Almaty kólikteri arqyly tasymaldanǵan jolaýshylar sany 4238,8 mln. adamdy qurady
ALMATY. QazAqparat - Almaty qalasynda ótken jyly jolaýshylar aınalymy 13,1 paıyzǵa ósti. Bul týraly Almaty qalasynyń statıstıka departamentiniń baspasóz qyzmetinen habarlady.
2013 jyly Almaty qalasynyń kólikteri arqyly tasymaldanǵan jolaýshylardyń sany 4238,8 mln. adamǵa jetken. Bul 2012 jylmen salystyrǵanda 11, 5 paıyzǵa artyq. Osylaısha Almaty qalasynda jolaýshylar aınalymy 13,1 paıyzǵa ósip otyr.
Jalpy, qalada 2013 jyly kólik kásiporyndarynyń sany 615. Olardyń basym bóligi (509) járdemshi jáne qosymsha kólik qyzmeti boıynsha qyzmet kórsetse, 94-i - basqa da qurlyqtaǵy kólik túrlerine, al 12-i - áýe kólik túrlerine jatady.
2013 jyly qurlyqtaǵy kólik túrlerinde tasymaldanǵan jolaýshylardyń sany 4235,1 mln. adamdy qurady, sonyń ishinde avtobýstar arqyly - 74,6% (3159,7 mln. adam), taksıler - 24,8% (1052,1 mln. adam), trolleıbýstar - 0,4% (14,9 mln. adam) jáne tramvaılarda 0,04% (1,6 mln. adam) tasymaldanǵan.
Áýe kólikteri arqyly tasymaldanǵan jolaýshylardyń sany 3,7 mln. adamdy qurady.
Kólik kásiporyndary tasymaldaǵan júkterdiń kólemi ótken kezeńmen salystyrǵanda 15,1%-ǵa ósip, 194389,4 myń tonna júkti qurady (2012 jyly bul kórsetkish 168285,5 myń tonnany quraǵan bolatyn). Jalpy júk aınalymy 5,4%-ǵa ósip otyr.
Bul jerde bir aıta ketetin jaıt, 194389,4 myń tonna júk qurlyqtaǵy kólikterdiń úlesinde, al áýe kóliginde tasymaldanǵan júk kólemi 22584,3 tonna.
