Almaty qoǵamdyq kólik dıspetcherlik júıesi jekemenshikke berilmek
ALMATY. QazAqparat - Almaty qoǵamdyq kólik dıspetcherlik júıesi jekemenshikke beriletin boldy, dep habarlaıdy QazAqparat tilshisi.
Bul týraly qalalyq Jolaýshylar tasymaly men avtomobıl joldary basqarmasynyń saıtynda jarııalandy.
Telemetrıkalyq málimetter bazasy, qoǵamdyq kólikterdiń qozǵalysyn baqylaýǵa arnalǵan jyljymaly GPS-trekerleri bar Ortalyq dıspetcherlik qyzmet júıesi konkýrsqa shyǵaryldy.
Saıttaǵy málimetke sáıkes, basqarma ortalyq dıspetcherlik qyzmet júıesin memlekettik jekeshelik áriptestik aıasynda jekemenshikke bermekshi.
Baıqaýda jeńimpaz bolǵan jekemenshik basqarýshy MJÁ aıasynda jobaǵa qarjy salyp, paıdalanatyn bolady.
Atap aıtqanda, qoǵamdyq kólikti dıspetcherlik baqylaý, dıspetcherlik júıeni basqarý jumystaryn júrgizý bıznesmenniń quzyryna kiredi.
Osy baǵyttaǵy ákimdik ókilderi operatsııalyq shyǵyndardy ótep, syıaqy tólemek.
Dıspetcherlik júıeni basqarýǵa ynta bildirgenderdiń ótinishi 12 qyrkúıekke deıin qabyldanady.
Jeńimpazdyń aty 13 qyrkúıekte ákimdik ǵımaratynda 14:30-da belgili bolady.
Aıta ketý kerek, ortalyq dıspetcherlik qyzmet júıesi 2015 jyldyń kókteminde ashylǵan bolatyn.
Bul júıe qoǵamdyq kólikterdiń qozǵalysyn baqylap, tasymaldaýshy kásiporyndarǵa jiberilip otyrady. Aqparat ár 5 sekýnd saıyn qabyldanyp otyrady.
