Almaty klınıkalary medıtsınalyq jańa apparattarmen jabdyqtaldy
ALMATY. QazAqparat - Almaty klınıkalaryn medıtsınalyq qurylǵylarmen jabdyqtaýdyń úsh jyldyq baǵdarlamasy aıasynda megapolıstegi medıtsınalyq mekemelerdiń materıaldyq-tehnıkalyq bazasy nyǵaıýda, dep habarlaıdy QazAqparat tilshisi.
Almatynyń medıtsına uıymdarynyń materıaldyq-tehnıkalyq jabdyqtalýyn jaqsartý úshin 2020 jyly jergilikti bıýdjetten 43,1 mlrd teńge bólindi.
Bul qarjyǵa ókpeni jasandy jeldetýge arnalǵan 285 apparat, joǵary aǵyndy O2FLO ottegi terapııasynyń 250 apparaty, 1050 ottegi kontsentraty satyp alyndy.
Almaty Qoǵamdyq densaýlyq basqaramasyna qarasty medıtsınalyq uıymdarǵa 47 rentgen jáne 52 ÝZI apparaty berildi.
Sondaı-aq, «Ortalyq qalalyq klınıkalyq aýrýhana» ShJQ MKK, I. Jekenova atyndaǵy qalalyq klınıkalyq juqpaly aýrýlar aýrýhanasy» ShJQ MKK, Modýldi ortalyq, «Balalardyń qalalyq klınıkalyq juqpaly aýrýlar aýrýhanasy» ShJQ MKK, «Jedel medıtsınalyq kómek kórsetýdiń qalalyq aýrýhanasy» ShJQ MKK, «Ftızıopýlmonologııa ortalyǵy» ShJQ MKK-ǵa 6 ottegi stantsııasy ornatyldy.
Modernızatsııalaý aıasynda №4 Qalalyq klınıkalyq aýrýhanaǵa ornatylǵan jańa mýltıspıraldi MSKT – Hitachi Supria, 128 kompıýterlik tomografııa iske qosyldy. Onyń artyqshylyǵy, júrek pen koronarlyq arterııalardyń aterosklerotıkalyq ótkizgishtigin anyqtaıdy ári tez skaner jasaıdy. Óıtkeni tıisti hattamalar jasaý úshin jedel skanerleý qajet.
