Almaty əkimdigi ózen arnasynan tasýynyń sebepterin aıtty
ALMATY. QazAqparat - Almaty əkimdigi ózen arnasynan tasýynyń sebepterin aıtty, dep habarlaıdy QazAqparat tilshisi.
Qazir Esentaı ózeniniń Úlken Almaty kanalynan Kókjıek shaǵynaýdanyna deıingi aımaǵy qaıta jasalyp jatyr. Soǵan baılanysty sý Kishi Almaty ózenine ýaqytsha burylǵan bolatyn.
"Bógenbaı kóshesiniń tusynda ózen arnasynda eki dóńgelek bitelip qalǵan. Sonyń kesirinen ózen arnasynan tasyp sý kósheni basyp qaldy. Qazir arna qaıtadan Esentaı ózenine buryldy. Jaıaý júrgin joly tazartylyp jatyr",- dedi qalalyq Tabıǵatty paıdalaný jəne tabıǵı resýrstar basqarmasynan.
Aıta ketý kerek, tótenshe jaǵdaıdan eshkim japa shekken joq.
