«Almaty-Kıev» reısiniń jolaýshysy 9,2 myń eýrony jasyryn alyp ótpek boldy
ASTANA. QazAqparat - «Almaty-Kıev» reısiniń jolaýshysy 9 myń 265 eýrony jasyryn alyp ótpek boldy, dep habarlady UQK Shekara qyzmetiniń baspasóz qyzmeti.
«Almaty» baqylaý-ótkizý beketiniń shekarashylary (Almaty qalasy) «Almaty - Kıev» baǵytynda ushatyn ushaqqa shekaralyq tekserý ótkizý kezinde 1971 jyly týylǵan Qazaqstan Respýblıkasynyń azamatyn ustady. Onyń qoljúginiń ishinde jarııalanbaǵan valıýta - 9 265 evronyń bar ekendigi anyqtaldy», - delingen hsabarlamada.
Atalǵan valıýta «Jetisý» kedendik beketiniń qyzmetkerlerine berildi. Al Qazaqstan Respýblıkasynyń azamatyna Ákimshilik-quqyqbuzýshylyq kodeksiniń 551 babynyń 3 tarmaǵyna sáıkes 10 aılyq eseptik kórsetkish kóleminde aıyppul salyndy.
