Almaty: Kemerovo oqıǵasyna oraı ótken aktsııa oıynshyqtary balalarǵa beriledi
ALMATY. QazAqparat - Almatyda Kemerovodaǵy qaıǵyly oqıǵaǵa oraı uıymdastyrylǵan kóńil aıtý sharalary barysynda jınalǵan qap-qap oıynshyqtar balalarǵa beriledi, dep habarlaıdy QazAqparat tilshisi.
Reseı Federatsııasynyń Almatydaǵy Bas konsýldyǵynyń konsýly Irına Pereverzeva Feısbýktegi paraqshasynda ǵımarat mańyna qoıylyp ketken oıynshyqtar odan ári qaıda jiberiletinin aıtty.
«Olardy ń bárin jýyp, keptirdik. Adamdar Konsýldyq janyna oıynshyqtar alyp kelip jatqanda, keıin olardy jýyp, keptirý kezinde barlyǵymyz kóz jasymyzǵa erik berdik. Oıynshyqtar óte kóp - birneshe qap. Olarmen ne isteý kerektigin bilmedik. Men Mıtropolıt Aleksandrge baryp, keńes suradym. Ol barlyq balalar kúnásiz perishte ekendigin jáne olarǵa arnalǵan oıynshyqtar ózge perishtelerdi qorǵap júrsin degen aqylyn aıtty», - dedi I.Pereverzeva.
Aıta ketý kerek, Kemerovo qalasyndaǵy «Zımnıaıa Vıshnıa» saýda úıindegi alapat órtten 64 adam, onyń ishinde 41 bala qaza bolǵan edi.
