Almaty kedenshileri kedendik tólem men salyq túsimin jospardaǵydan asyra oryndady
ALMATY. 11 qańtar. QazAqparat /Erbol Turymbetov/ - Almaty qalasy boıynsha kedendik baqylaý departamenti QR Qarjy mınıstrligi Kedendik baqylaý komıtetiniń eń iri qurylymdyq bólimshesi bolyp tabylady.
Vedomstvo respýblıka boıynsha kedendik tólem men salyqtyń 24 paıyz túsimin qamtamasyz etedi.
2010 jyldyń qorytyndysy boıynsha, QR Qarjy mınıstriliginiń kedendik tólem men salyq jónindegi tapsyrmasyn 6 mlrd.-tan astam teńgege asyra oryndady. Almaty departamentiniń ótken jylǵy jospary 136 mlrd. 679 mln.teńgeni qurasa, bıýdjettiń naqty is júzindegi kórsetkishi 143 mlrd. 040 mln.teńgege jetti.
Almaty qalalyq KBD baspasóz qyzmeti habarlaǵandaı, jospardy asyra oryndaýdyń ózindik sebebi bar. Buǵan kedendik ákimshiliktendirý formasy men ádisterin iske asyrý, kedendik qujattardy daıyndaýdy jyldamdatý men keden organdary qyzmetteriniń jetilýi jaǵdaı týǵyzyp otyr. Keden organdary, sonymen birge, aımaqqa bıznes engizýge qolaıly jaǵdaı týǵyzatyn birqatar baǵdarlamalar qabyldaǵan.
